തായ്‌പേയ്: ലക്ഷ്യംതെറ്റി ചൈനയുടെ ദിശയില്‍ സഞ്ചരിച്ച തായ്‌വാന്റെ മിസൈല്‍ മത്സ്യബോട്ടില്‍ ഇടിച്ചു. ബോട്ട് തകര്‍ന്ന് ഒരാള്‍ കൊല്ലപ്പെട്ടു. തായ്‌വാന്റെതന്നെ ബോട്ടാണ് തകര്‍ന്നത്.
അഞ്ഞൂറോളം ടണ്‍ മിസൈലുകള്‍ ഉള്‍ക്കൊള്ളുന്ന തോയ്‌സിങ് നേവല്‍ ബെയ്‌സില്‍ നിന്നാണ് വിമാന വാഹിനി മിസൈല്‍ വിക്ഷേപിച്ചതെന്ന് തയ്‌വാന്‍ നാവിക വിഭാഗം അറിയിച്ചു. മിസൈല്‍ പൊട്ടിത്തെറിക്കുകയോ മത്സ്യബന്ധന ബോട്ടിന്റെ എണ്ണടാങ്കില്‍ പതിക്കുകയോ ചെയ്തിട്ടില്ലാത്തതിനാല്‍ അപകടം കുറഞ്ഞു. മുന്നൂറോളം കിലോമീറ്റര്‍ ദൂരത്തില്‍ വിക്ഷേപിക്കാന്‍ കഴിയുന്ന ഈ മിസൈല്‍ തയ്‌വാന്‍ തദ്ദേശിയമായി വികസിപ്പിച്ചതാണ്.
മാനുഷികമായ പിഴവാണ് നിക്ഷേപത്തിന് കാരണമെന്ന് നാവികസേനാ മേധാവി പറഞ്ഞു. കൊല്ലപ്പെട്ട മത്സ്യത്തൊഴിലാളിയുടെ കുടുംബത്തോട് ക്ഷമാപണം നടത്തുന്നുവെന്നും എല്ലാ സഹായങ്ങളും നല്‍കുമെന്നും നാവികസേനാ മേധാവി പറഞ്ഞു. ഹെലികോപ്റ്ററുകളും യുദ്ധക്കപ്പലുകളും മിസൈലിനായി തിരച്ചില്‍ നടത്തുന്നുണ്ട്.
ചൈനയുമായി നല്ല ബന്ധമാണ് തായ്‌വാനുള്ളതെങ്കിലും ഈയിടെ തയ്‌വാന്റെ ചില ഭാഗങ്ങള്‍ തങ്ങളുടേതെന്ന് ചൈന വാദിക്കുന്നുണ്ട്.