കേളകം: കണ്ണൂര്‍ ജില്ലയില്‍ നിപാ ഇതുവരെ റിപ്പോര്‍ട്ട് ചെയ്യപ്പെട്ടിട്ടില്ലെന്നും വ്യാജ പ്രചരണങ്ങള്‍ നടത്തുന്നവര്‍ക്കെതിരെ നിയമ നടപടി സ്വീകരിക്കേണ്ടി വരുമെന്നും ആരോഗ്യ വകുപ്പ്. കേളകം പഞ്ചായത്തിലൈ അടയ്ക്കാത്തോട്ടില്‍ ഒരാള്‍ക്ക് നിപാ ബാധിച്ചുവെന്ന വ്യാജ പ്രചരണം ഉണ്ടായ സാഹചര്യത്തിലാണ് ആരോഗ്യ വകുപ്പിന്റെ വിശദീകരണം.

സംശയകരമായി എന്ത് രോഗം കണ്ടാലും ജില്ലാ മെഡിക്കല്‍ ഓഫിസറെ അപ്പോള്‍ തന്നെ അറിയിക്കണമെന്ന് ആശുപത്രികള്‍ക്കും ഡോക്ടര്‍മാര്‍ക്കും നിര്‍ദ്ദേശം നല്‍കിയിട്ടുള്ളതായി ഡി.എം.ഓയുടെ ചുമതല വഹിക്കുന്ന ഡോ.എം.കെ ഷാജ് പറഞ്ഞു.

ഡെങ്കിയും മഞ്ഞപ്പിത്തവും കണ്ടെത്തിയ പ്രദേശങ്ങളില്‍ നിരീക്ഷണവും പരിശോധനയും തുടരുന്നുണ്ട്. ഡെങ്കിയും മഞ്ഞപ്പിത്തവും പൂര്‍ണ്ണമായി നിയന്ത്രണ വിധേയമാക്കിക്കഴിഞ്ഞു. രോഗബാധിതരുടെ എണ്ണം ഗണ്യമായി കുറഞ്ഞതായും പുതിയതായി ഡെങ്കി റിപ്പോര്‍ട്ട് ചെയ്യപ്പെടുന്നില്ലെന്നും ഡി.എം.ഒ അറിയിച്ചു.