മലപ്പുറം: ജില്ലാ സ്റ്റുഡന്റ്‌സ് പൊലിസ് പ്രൊജക്ടിന്റെ ഭാഗമായി തെരഞ്ഞെടുക്കപ്പെട്ട സീനിയര്‍ കേഡറ്റുകള്‍ക്കായി വാര്‍ഷിക വേനല്‍ക്കാല സഹവാസ കാംപ് പുനര്‍ജനി 2017 ഏപ്രില്‍ ഒന്നു മുതല്‍ അഞ്ചു വരെ തവനൂര്‍ ഐഡിയല്‍ ഇംഗ്ലീഷ് ഹയര്‍സെക്കന്‍ഡറി സ്‌കൂളില്‍ നടക്കും. വൈകിട്ട് 5.30ന് ജില്ലാ കലക്ടര്‍ അമിത് മീണ ഉദ്ഘാടനം ചെയ്യും. ജില്ലയിലെ വിവിധ സ്‌കൂളുകളില്‍നിന്നായി 600 കേഡറ്റുകളും അധ്യാപകരും പൊലിസ് ഉദ്യോഗസ്ഥരും പങ്കെടുക്കും. അഞ്ചിനു രാവിലെ എട്ടിനു ജില്ലാ പൊലിസ് മേധാവി ദേബേഷ് കുമാര്‍ ബെഹ്‌റ പാസിങ് ഔട്ട് പരേഡില്‍ സല്യൂട്ട് സ്വീകരിക്കും. വിവിധ ക്ലാസുകള്‍, ഫിസിക്കല്‍ ട്രെയിനിങ്, കലാപരിപാടികള്‍, പരേഡ് പരിശീലനം എന്നിവ ക്യാംപില്‍ നടക്കും. വാര്‍ത്താസമ്മേളനത്തില്‍ എ.സി പി.കെ അബ്ദുല്‍ റഷീദ്, പി. കൃഷ്ണദാസന്‍, പി.ടി.എം ആനക്കര, എ.എ അബൂബക്കര്‍, സി.എം സാലിഹ് മാനൂര്‍ പങ്കെടുത്തു.