കൊണ്ടോട്ടി: കൊട്ടൂക്കര പി.പി.എം ഹയര്‍സെക്കന്‍ഡറി സ്‌കൂള്‍ 40ാം വാര്‍ഷികാഘോഷത്തോടനുബന്ധിച്ച് സംഘടിപ്പിക്കുന്ന പൂര്‍വ വിദ്യാര്‍ഥി സംഗമവും യാത്രയയപ്പും(ക്രയോണ്‍സ്2017)ശനിയാഴ്ച ഉച്ചക്ക് രണ്ടിന് സ്‌കൂളില്‍ നടക്കുമെന്ന് ഭാരാവാഹികള്‍ വാര്‍ത്ത സമ്മേളനത്തില്‍ അറിയിച്ചു.
ടി.വി ഇബ്രാഹീം എം.എല്‍.എ ഉദ്ഘാടനം ചെയ്യും. ഉദ്ഘാടന സമ്മേളനം, ബാച്ചുകളുടെ സംഗമം, യാത്രയപ്പ് സമ്മേളനം, സാംസ്‌കാരിക സമ്മേളനം, പൂര്‍വ അധ്യാപക സംഗമം, കലാവിരുന്ന് തുടങ്ങിയ നടക്കും. പ്രഫ. കല്‍പ്പറ്റ നാരായണന്‍ മുഖ്യപ്രഭാഷണം നടത്തും. പ്രഫ. പി.ഇ അബ്ദുല്‍ റഷീദ് ഉപഹാര സമര്‍പ്പണം നടത്തും. സി. അബ്ദുല്‍ റസാഖ് അധ്യക്ഷനാകും. എം. അബ്ദുല്‍ മജീദ്, എം. അബൂബക്കര്‍ ഹാജി, കെ.ടി അബ്ദുറഹ്മാന്‍ മാസ്റ്റര്‍, കെ.കെ മൂസക്കുട്ടി, സി.എം അബ്ദുല്‍ ബഷീര്‍, കെ. ആരിഫ ബീവി, അഡ്വ. കെ.കെ ഷാഹുല്‍ ഹമീദ് സംബന്ധിക്കും. പി.എം അബ്ദുള്ള മാസ്റ്റര്‍, എം. ഉണ്ണീതു മാസ്റ്റര്‍ എന്നിവര്‍ക്ക് യാത്രയയപ്പ് നല്‍കും. പത്ര സമ്മേളനത്തില്‍എം അബ്ദുല്‍ മജിദ്, സി. അബ്ദുറസാഖ്, എം.വിനയകുമാര്‍, എന്‍.ഇ അബൂഹാമിദ് ശബീറലി കോടങ്ങാട്, എം.എം ഇഖ്ബാല്‍, വി.പി സിദ്ദീഖ്, ജാഫര്‍, കെ.എം ഇസ്മായില്‍, ടി.ടി ബാസിം പങ്കെടുത്തു.