തിരുവനന്തപുരം: ചെങ്ങന്നൂരിലെ പരാജയത്തില്‍ പാര്‍ട്ടി നേതൃത്വത്തിനെതിരെ രൂക്ഷവിമര്‍ശനവുമായി കോണ്‍ഗ്രസ് നേതാവ് കെ.മുരളീധരന്‍.

പാര്‍ട്ടി വിരുദ്ധ പ്രവര്‍ത്തനം നടത്തുന്നവരെ ഗ്രൂപ്പ് നേതൃത്വം സംരക്ഷിക്കുകയാണ്. ഇത്ര മോശം ഭരണം നടത്തുന്ന സര്‍ക്കാരായിട്ടും ചെങ്ങന്നൂരില്‍ അത് വോട്ടാക്കി മാറ്റാന്‍ കോണ്‍ഗ്രസിന് കഴിഞ്ഞില്ല.

സ്വന്തം ബൂത്തില്‍ താന്‍ ഒരിക്കലും പിന്നോട്ട് പോയിട്ടില്ലെന്നും രമേശ് ചെന്നിത്തലയെ പരിഹസിച്ച് കെ.മുരളീധരന്‍ പറഞ്ഞു. ലോക്‌സഭ തെരഞ്ഞെടുപ്പ് കഴിയുന്നത് വരെ തന്റെ മണ്ഡലം വിട്ട് എങ്ങോട്ടും പോകുന്നില്ല. സ്വന്തം ബൂത്തില്‍ പിറകില്‍ പോയാല്‍ മോശമാണെന്നും മുരളീധരന്‍ പറഞ്ഞു.