കൊടുങ്ങല്ലൂര്‍: ഇരുപത്തിയോഴാം രാവിന്റെ സന്ധ്യയില്‍ സൗഹാര്‍ദത്തിന്റെ രുചി പകര്‍ന്ന് ചേരമാന്‍ ജുമാമസ്ജിദിന്റെ അകത്തളങ്ങളില്‍ ജനപ്രതിനിധികളടക്കം പ്രമുഖരെത്തി.
റംസാനിലെ അവസാനത്തെ വെള്ളിയാഴ്ചയില്‍ ചേരമാന്‍ ജുമാമസ്ജിദിലും മറ്റ് പള്ളികളിലും നോമ്പ് തുറക്കും, നമസ്‌ക്കാരത്തിനും വന്‍ തിരക്കാണ് അനുഭവപ്പെട്ടത്.
വൈകിട്ട് നോമ്പുതുറക്ക് അഡ്വ.വി.എസ്.സുനില്‍കുമാര്‍ എം.എല്‍.എ, നഗരസഭ ചെയര്‍മാന്‍ സി.സി.വിപിന്‍ചന്ദ്രന്‍, നഗരസഭ കൗണ്‍സിലര്‍ അഡ്വ.സി.പി.രമേശന്‍, കയ്പമംഗലത്ത് യു.ഡി.എഫ്.സ്ഥാനാര്‍ഥിയായിരുന്ന എം.ടി.മുഹമ്മദ് നഹാസ് തുടങ്ങി നിരവധി പ്രമുഖര്‍ എത്തിച്ചേര്‍ന്നു.