സൂറത്ത്: കൊവിഡ് ജാഗ്രതയില്‍ ലോക്ക്ഡൗണ്‍ പ്രഖ്യാപിച്ചതോടെ പലായനം ചെയ്ത തൊഴിലാളികള്‍ പൊലിസുമായി ഏറ്റുമുട്ടി. ഇവരെ പിരിച്ചുവിടാന്‍ ടിയര്‍ഗ്യാസ് പ്രയോഗിച്ച പൊലിസ്, തൊണ്ണൂറിലേറെ പേരെ അറസ്റ്റ് ചെയ്യുകയും ചെയ്തു.
ഗുജറാത്തിലെ സൂറത്തിലായിരുന്നു സംഭവം.അഞ്ഞൂറോളം തൊഴിലാളികളാണ് പൊലിസുമായി ഏറ്റുമുട്ടിയത്. ഇവരെ തടഞ്ഞതിനെ തുടര്‍ന്നായിരുന്നു സംഭവം. സ്വന്തം നാടുകളിലേക്കെത്താന്‍ വാഹനസൗകര്യം ഒരുക്കണമെന്നാവശ്യപ്പെട്ട് പ്രതിഷേധിച്ചതിനു ശേഷമായിരുന്നു ഇവര്‍ അക്രമാസക്തരായത്. ഉത്തര്‍പ്രദേശ്, ബിഹാര്‍ എന്നിവിടങ്ങളില്‍നിന്നു തിരിച്ചെത്തിയതായിരുന്നു ഇവര്‍.