ദ്വാരക: എടവക ഗ്രാമപഞ്ചായത്തിലെ 2016-17 വര്‍ഷത്തെ പദ്ധതി നിര്‍വഹണവുമായി ബന്ധപ്പെട്ട് നടപ്പാക്കുന്ന ആശ്രയ ഗുണഭോക്താക്കള്‍ക്കുള്ള കോഴിയും കൂടും പദ്ധതി മറ്റ് ഗുണഭോക്താക്കള്‍ക്ക് മാലിന്യ നിര്‍നാര്‍ജ്ജന പദ്ധതിയുടെ ഭാഗമായി നടപ്പാക്കുന്ന പൈപ്പ് കമ്പോസ്റ്റ് പദ്ധതി എന്നിവയുടെ വിതരണ ഉദ്ഘാടനം പഞ്ചായത്ത് പ്രസിഡന്റ് ഉഷ വിജയന്‍ നിര്‍വഹിച്ചു. ഗ്രാമപഞ്ചായത്ത് വൈസ് പ്രസിഡന്റ് നജ്മുദ്ദീന്‍ മൂടമ്പത്ത് അധ്യക്ഷനായി. സ്ഥിരം സമിതി ചെയര്‍മാന്‍ ജില്‍സ് തൂപ്പുംങ്കര, ചെയര്‍പേഴ്‌സണ്‍മാരായ ആമിന അവറാന്‍, ആഷ മെജോ, ഭരണസമിതി അംഗങ്ങളായ കെ.ആര്‍ ജയപ്രകാശ്, ഷൈനി ജോര്‍ജ്ജ്, എം.കെ ജയപ്രകാശ്, നജീബ് മണ്ണാര്‍, ഷീല കമലാസനന്‍, ഫിലോമിന ജയിംസ് സംസാരിച്ചു. സി.ഡി.എസ് ചെയര്‍പേഴ്‌സണ്‍ കെ.പി ഗിരിജ സ്വാഗതവും സെക്രട്ടറി എം.ആര്‍ പ്രഭാകരന്‍ നന്ദിയും പറഞ്ഞു.