മാനന്തവാടി: മാനന്തവാടി എന്‍ജിനീയറിങ് കോളജിലെ ഡി.വൈ.എഫ്.ഐ, എസ്.എഫ്.ഐ ആക്രമണത്തില്‍ പ്രതിഷേധിച്ച് കെ.എസ്.യു പഠിപ്പുമുടക്കി പ്രതിഷേധിച്ചു. മാനന്തവാടിയില്‍ നടന്ന പ്രതിഷേധ പ്രകടനത്തില്‍ ജില്ലാപ്രസിഡന്റ് അമല്‍ ജോയി, അജില്‍, ജെയിംസ്, നിഖില്‍, അമല്‍ പങ്കജാക്ഷന്‍, സുഷോഭ്, ഗായോസ്, അരുണ്‍, അസീസ് എന്നിവര്‍ നേതൃത്വം നല്‍കി. കഴിഞ്ഞ ദിവസമുണ്ടായ ആക്രമണത്തില്‍ രണ്ട് കെ.എസ്.യു പ്രവര്‍ത്തകര്‍ക്ക് പരുക്കേറ്റിരുന്നു. ഒന്നാംവര്‍ഷ വിദ്യാര്‍ഥി നിധിന്‍, അവസാനവര്‍ഷ വിദ്യാര്‍ഥി സതീഷ് ബാബു എന്നിവര്‍ക്കാണ് പരുക്കേറ്റത്.