എളേറ്റില്‍ : എളേറ്റില്‍ എം.ജെ.ഹയര്‍ സെക്കന്ററി സ്‌കൂള്‍ സ്‌കൗട്ട് ട്രൂപ്പിന്റെ ജൈവ പച്ചക്കറി തൊട്ടത്തില്‍ വിളഞ്ഞത് നൂറുമേനി. സ്‌കൂളിന്റെ സമീപം കണ്ണന്‍ കുന്ന് വയലിലാണ് വിദ്യാഥികള്‍ കൃഷി ഇറക്കിയത്. കക്കരി, കുമ്പളം ,പടവലം, വെള്ളരി, പയര്‍, വെണ്ട, പച്ചമുളക്, ചതുര പയര്‍, ചെരങ്ങ, പച്ചമുളക്, തുടങ്ങിയവയാണ് മുഖ്യമായും കൃഷി ഇറക്കിയത്.സ്‌കൂള്‍ സമയ ശേഷവും ഒഴിവു ദിനങ്ങളും ഉപയോഗപ്പെടുത്തിയാണ് കൃഷി. വിളവെടുപ്പ് ഉദ്ഘാടനം കിഴക്കോത്ത് കൃഷി ഓഫീസര്‍ കെ.കെ.നസീര്‍ നിര്‍വഹിച്ചു. പ്രിന്‍സിപ്പല്‍ എം.മുഹമ്മദലി മാസ്റ്റര്‍ അദ്ധ്യക്ഷനായി. സ്‌കൗട്ട് അധ്യാപകന്‍ മുജീബ് ചളിക്കോട്, കെ.കെ.ജിതേഷ്, കെ.ടി.വിനോദ് ,പി പി ഫൈസല്‍, മുഹമ്മദ് പി.പി, പി.പി.ബഷീര്‍, എന്‍.കെ.നാസര്‍, ഗോകുല്‍, ഫായിസ്, സബാഹ് സംബന്ധിച്ചു.