മുക്കം:പുത്തന്‍ ഓഫറുകളുമായി ബി.എസ്.എന്‍.എല്‍ രംഗത്ത് വന്നതോടെ സിം കാര്‍ഡിനായി എക്‌സ്‌ചേഞ്ചുകളില്‍ വന്‍ തിരക്കാണ് അനുഭവപ്പെടുന്നത്
ഇന്‍സ്റ്റലേഷന്‍ ചാര്‍ജ് ഇല്ലാതെ വെറും 49 രൂപക്ക് ലാന്റ് ലൈനും 249 രൂപക്ക് പരിധിയില്ലാതെ ബ്രോഡ്ബാന്‍ഡും ലഭ്യമാണ്.
349 രൂപക്ക് ദിവസവും 2 ജി.ബി ഡാറ്റയും മറ്റനവധി ഓഫറുകളുമായി ജി എസ് എം സിം കാര്‍ഡ് സ്വന്തമാക്കാനുള്ള അവസരവും നല്‍കുന്നു.
ഇടക്കാലത്ത് ബി.എസ്.എന്‍.എല്‍ ഒഴിവാക്കി മറ്റ് സ്വകാര്യ കമ്പനികളുടെ വിവിധ സിം കാര്‍ഡുകളിലേക്ക് മാറിയവരെല്ലാം ബി.എസ്.എന്‍.എല്ലിലേക്ക് വ്യാപകമായി തിരിച്ച് വരികയാണ്.നെറ്റുപയോഗത്തിന് വമ്പിച്ച ഓഫറുമായി കടന്ന് വന്ന ജിയോ സിം കഴിഞ്ഞ മാസത്തോടെ എല്ലാ ഓഫറുകളും ഒഴിവാക്കിയതോടെ ജിയോ ഉപയോഗിക്കുന്നതിനായി ഫോര്‍ജി സപ്പോര്‍ട്ട് ചെയ്യുന്ന പുതിയ ഫോണ്‍ വരെ വാങ്ങിയവര്‍ ഓഫര്‍ പിന്‍വലിച്ചത് കാരണം വെട്ടിലായിരിക്കുകയാണ്. അവരെല്ലാം ഇനി ബി.എസ്.എന്‍.എല്‍ സിം സ്വന്തമാക്കാനുള്ള തിരക്കിലാണ്.