കാസര്‍കോട്: പഴയ ചൂരി ഇസ്സത്തുല്‍ ഇസ്‌ലാം മദ്‌റസ അധ്യാപകനും ജുമാ മസ്ജിദ് മുഅദ്ദിനുമായ മുഹമ്മദ് റിയാസ് മുസ്‌ലിയാരുടെ കൊലപാതകം സംബന്ധിച്ച് സമഗ്ര അന്വേഷണം നടത്തി ഗൂഡാലോചന പുറത്ത് കൊണ്ട് വരണമെന്നും പ്രതികള്‍ക്കെതിരെ യു.എ.പി.എ ചുമത്തണമെന്നും മുസ്‌ലിം ലീഗ് ജില്ലാ നേതാക്കള്‍ മുഖ്യമന്ത്രിയെ കണ്ട് ആവശ്യപ്പെട്ടു.
പൊലിസിന്റെ റിമാന്റ് റിപ്പോര്‍ട്ടിലെ അപാകത മുസ്‌ലിം ലീഗ് നേതാക്കള്‍ ചൂണ്ടികാണിക്കുകയും അത് പരിഹരിക്കാനാവശ്യമായ നടപടികള്‍ കൈകൊള്ളണമെന്നാവശ്യപ്പെടുകയും ചെയ്തു.
ജില്ലാ പ്രസിഡന്റ് ചെര്‍ക്കളം അബ്ദുല്ല, സംസ്ഥാന വൈസ് പ്രസിഡന്റ് സി.ടി അഹമ്മദലി, ജില്ല ജനറല്‍ സെക്രട്ടറി എം.സി ഖമറുദ്ധീന്‍, ട്രഷറര്‍ എ അബ്ദുള്‍ റഹ്മാന്‍, എന്‍.എ നെല്ലിക്കുന്ന് എം.എല്‍.എ, ജില്ലാ പഞ്ചായത്ത് പ്രസിഡന്റ് എ.ജി.സി ബഷീര്‍, അഷ്‌റഫ് എടനീര്‍ എന്നിവരാണ് മുഖ്യമന്ത്രിയെ കണ്ടത്.