വാഷിങ്ടണ്‍: കാലിഫോര്‍ണിയയിലെ ഗവര്‍ണറാവാന്‍ 22 കാരനായ ഇന്ത്യന്‍ വംശജനും. ഉത്തര്‍പ്രദേശില്‍ നിന്നുള്ള ശുഭം ഗോയലാണ് മത്സരരംഗത്തുള്ളത്.
സാമൂഹിക മാധ്യമങ്ങളിലൂടെയുള്ള പ്രചാരണങ്ങള്‍ക്കാണ് ടെക്കി കൂടിയായി ഗോയല്‍ പ്രാധാന്യം നല്‍കുന്നത്. ജനങ്ങളോട് തന്നെ പിന്തുണക്കാനായി ആവശ്യപ്പെടുന്ന വിഡിയോ കഴിഞ്ഞ ദിവസം ട്വിറ്ററിലൂടെ പങ്കുവച്ചു.
27 സ്ഥാനാര്‍ഥികളാണ് കാലിഫോര്‍ണിയയില്‍ ഗവര്‍ണറാവാന്‍ മത്സരിക്കുന്നത്. എന്നാല്‍ ഏത് പാര്‍ട്ടി സ്ഥാനാര്‍ഥിയായിട്ടാണ് ഗോയല്‍ മത്സരിക്കുന്നതെന്ന് വെളിപ്പെടുത്തിയിട്ടില്ല.
കാലിഫോര്‍ണിയ സര്‍വകലാശാലയില്‍ നിന്ന് ബിരുദം പൂര്‍ത്തിയാക്കിയ ശേഷം വെര്‍ച്വല്‍ റിയാലിറ്റി കമ്പനിയില്‍ മാനേജരായാണ് ഗോയല്‍ ജോലി ചെയ്യുന്നത്. രാഷ്ട്രീയ വ്യവസ്ഥതയില്‍ സുതാര്യമായ നീക്കം ആവശ്യമാണെന്നാണ് ശുഭം തന്റെ പ്രചാരണത്തിന്നിടെ ഉന്നയിക്കുന്ന പ്രധാന ആവശ്യം.
ഡമോക്രാറ്റിക് പാര്‍ട്ടിയിലെ ഗവര്‍ണര്‍ ജെറി ബ്രൗണ്‍ സ്ഥാനം ഒഴിഞ്ഞതോടെയാണ് ഇവിടെ ഇടക്കാല തെരഞ്ഞെടുപ്പ് നടക്കുന്നത്.