തലശേരി: നഗരസഭയും പ്രസ്‌ഫോറം ചാരിറ്റബിള്‍ ട്രസ്റ്റും സംയുക്തമായി ഇന്നു മുതല്‍ ഏപ്രില്‍ 10 വരെ സംഘടിപ്പിക്കുന്ന ഫ്‌ളവര്‍ ഷോ 2017 ന്റെ ഒരുക്കങ്ങള്‍ പൂര്‍ത്തിയായി.
ഇന്ന് വൈകീട്ട് ആറിന് സിനിമാ താരം മണികണ്ഠന്‍ ഉദ്ഘാടനം ചെയ്യുന്ന ഫ്‌ളവര്‍ഷോയില്‍ പൊതുജനങ്ങള്‍ക്കായി വൈവിധ്യമേറിയ ഒട്ടേറെ മത്സരങ്ങളാണ് ഏര്‍പ്പെടുത്തിയിരിക്കുന്നത്. ഓരോ ദിവസവും സിനിമാറ്റിക്ക് ഡാന്‍സ്, കരോക്കെ ഗാനമേള, മാപ്പിളപ്പാട്ട്, സിനിമാഗാനം, ഷോ ഡാന്‍സ്, വെജ് നോണ്‍ വെജ് പാചകം, പുഞ്ചിരി മത്സരം, പായസ മത്സരം, ഓപ്പണ്‍ മാപ്പിളപ്പാട്ട്, മൈലാഞ്ചി, ഒപ്പന മത്സരം, നാടന്‍പാട്ട് മത്സരം എന്നിവ നടക്കും.
നഴ്‌സറി, എല്‍.പി, യു.പി, ഹൈസ്‌കൂള്‍, ഹയര്‍സെക്കന്‍ഡറി, കോളജ് തലങ്ങളില്‍ ഉള്ളവര്‍ക്ക് പങ്കെടുക്കാം. പങ്കെടുക്കാനാഗ്രഹിക്കുന്നവര്‍ പ്രസ് ഫോറവുമായോ, 2322433 എന്ന നമ്പറിലോ ബന്ധപ്പെടണമെന്ന് ഭാരവാഹികള്‍ അറിയിച്ചു. വാര്‍ത്താ സമ്മേളനത്തില്‍ തലശേരി നഗരസഭാ വൈസ് ചെയര്‍പേഴ്‌സണ്‍ നജ്മാഹാഷിം, മുന്‍ ചെയര്‍പേഴ്‌സണ്‍ ആമിനാ മാളിയേക്കല്‍, കലാവിഭാഗം ചെയര്‍മാന്‍ പി.പി സുധീഷ്, കൗണ്‍സിലര്‍മാരായ എം സൗജത്ത്, പി.പി
സാജിദ, എ.വി ശൈലജ, പത്മജാ രഘുനാഥ് പങ്കെടുത്തു.