ദുബൈ: ഒത്തുകളി ആരോപണം പുറത്തുവിട്ട അല്‍ ജസീറ ടെലിവിഷനോട് ഇതുമായി ബന്ധപ്പെട്ട തെളിവുകള്‍ കൈമാറാന്‍ ഐ.സി.സി ആവശ്യപ്പെട്ടു. 2016-17 കാലത്ത് ഇന്ത്യയില്‍ പര്യടനത്തിനെത്തിയ ആസ്‌ത്രേലിയ, ഇംഗ്ലണ്ട് ടീമിലെ താരങ്ങള്‍ ഒത്തുകളിച്ചതായി കഴിഞ്ഞ ദിവസം അല്‍ ജസീറ റിപ്പോര്‍ട്ട് ചെയ്തിരുന്നു.
രണ്ട് ആസ്‌ത്രേലിയന്‍ താരങ്ങളും മൂന്ന് ഇംഗ്ലണ്ട് താരങ്ങളുമാണ് ഇന്ത്യക്കെതിരായ ടെസ്റ്റില്‍ ഒത്തുകളിക്കാന്‍ കൂട്ടുനിന്നതെന്ന റിപ്പോര്‍ട്ടാണ് ടെലിവിഷന്‍ പുറത്തുവിട്ടത്.
വിഷയത്തിന്റെ സത്യാവസ്ഥ മനസിലാക്കാനും അന്വേഷണം അടക്കമുള്ള തുടര്‍ നടപടികള്‍ സ്വീകരിക്കാനും അല്‍ ജസീറ അധികൃതര്‍ തെളിവ് കൈമാറുന്നതിനായി കാത്തിരിക്കുകയാണെന്ന് ഐ.സി.സി തലവന്‍ ഡേവിഡ് റിച്ചാര്‍ഡ്‌സന്‍ വ്യക്തമാക്കി.