തൊടുപുഴ: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ഏപ്രിലില്‍ നടത്തിയ പൊതു പരീക്ഷയില്‍ ജില്ലയിലെ മദ്‌റസകള്‍ മികച്ച നേട്ടം കൊയ്തു.
അഞ്ചാം തരത്തില്‍ കാളിയാര്‍ സിറാജുല്‍ ഹുദ മദ്രസയിലെ അഫ്‌ന ഹംസ, അമാന ഫിദ, അംന ഇബ്രാഹിം ഇന്നിവര്‍ യഥാക്രമം ജില്ലയിലെ ഒന്ന്, രണ്ട്, മൂന്ന് സ്ഥാനങ്ങള്‍ നേടി. ഏഴാം തരത്തില്‍ വണ്ണപ്പുറം നൂറുല്‍ ഇസ്‌ലാം ഹയര്‍സെക്കണ്ടറി മദ്‌റസയിലെ ഫര്‍സാന ജമാല്‍, നസ്‌നി റഷീദ് എന്നിവര്‍ ഒന്ന്, രണ്ട് സ്ഥാനങ്ങളും നാസ്വിറുല്‍ ഇസ്‌ലാം വെസ്റ്റ് കുന്നം മദ്‌റസയിലെ അനീസ് റഹ്മാന്‍ മൂന്നാം സ്ഥാനവും നേടി.
പത്താം തരത്തില്‍ നാസ്വിറുല്‍ ഇസ്‌ലാം വെസ്റ്റ് കുന്നം മദ്‌റസയിലെ റാബിയ ബിസാരി, സൈന സ്വാദിഖ്, ആഷ്‌ന സുബൈര്‍ എന്നിവര്‍ യഥാക്രമം ഒന്ന്, രണ്ട് മൂന്ന് സ്ഥാനങ്ങള്‍ നേടി. പ്ലസ് ടു തലത്തില്‍ വണ്ണപ്പുറം നൂറുല്‍ ഇസ്‌ലാം ഹയര്‍ സെക്കന്‍ഡറി മദ്‌റസയിലെ ഹസീന അഷ്‌റഫ്, അല്‍ത്വാഫ് വി.എസ്, അഫ്‌സല്‍ അഷ്‌റഫ് എന്നിവര്‍ ഒന്ന്, രണ്ട്, മൂന്ന് സ്ഥാനങ്ങള്‍ നേടി.
മികച്ച വിജയം നേടിയ വിദ്യാര്‍ഥികളെയും ഇതിനായി പ്രയത്‌നിച്ച ഉസ്താദുമാരെയും ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ് ഹാഷിം ബാഖവി, സെക്രട്ടറി പി.ഇ മുഹമ്മദ് ഫൈസി, മദ്‌റസ മാനേജ്‌മെന്റ് അസോസിയേഷന്‍ ജില്ലാ പ്രസിഡന്റ് അലിക്കുഞ്ഞ് വാത്‌ശ്ശേരി, സെക്രട്ടറി അഡ്വ. സി.കെ ജാഫര്‍, തൊടുപുഴ റേഞ്ച് പ്രസിഡന്റ് അബ്ദുല്‍ കബീര്‍ റഷാദി, സെക്രട്ടറി അബ്ദുല്‍ കരീം മൗലവി എന്നിവര്‍ അഭിനന്ദിച്ചു.