തിരുവനന്തപുരം: സംസ്ഥാനത്ത് ഇന്ന് 24 പേര്‍ക്ക് കൊറോണ സ്ഥിരീകരിച്ചതായി മുഖ്യമന്ത്രി പിണറായി വിജയന്‍ അറിയിച്ചു. ഇന്ന് സ്ഥിരീകരിച്ചതില്‍ ഒന്‍പത് പേര്‍ വിദേശത്ത് നിന്ന് എത്തിയവരാണ്. നാല് വിദേശികള്‍ ഉള്‍പ്പെടെ 26 പേര്‍ക്ക് ഇന്ന് രോഗം ഭേദമായി. ഇതോടെ കേരളത്തിലാകെ കൊറോണ ബാധിതരുടെ എണ്ണം 265 ആയി. മൊത്തം 237 പേരാണ് ഇപ്പോള്‍ ചികിത്സയിലുള്ളവര്‍.

164130 പേരാണ് ആകെ നിരീക്ഷണത്തിലുള്ളത്. 622 പേര്‍ ആശുപത്രിയിലാണ് നിരീക്ഷണത്തിലുള്ളത്. കാസര്‍കോട് മെഡിക്കല്‍ കോളജ് നാല് ദിവസത്തിനകം കൊവിഡ് ആശുപത്രിയാക്കുമെന്ന് മുഖ്യമന്ത്രി അറിയിച്ചു.

ഇന്ന് കൊറോണ സ്ഥിരീകരിച്ചവര്‍- ജില്ല തിരിച്ച്

• കാസര്‍കോട്- 12
• എണറാകുളം- 3
• തിരുവനന്തപുരം -2
• തൃശൂര്‍ -2
• മലപ്പുറം -2
• കണ്ണൂര്‍ -2
• പാലക്കാട് -1