വടകര: ബഹുനില കെട്ടിടത്തിലെ ലിഫ്റ്റ് തകര്‍ന്ന് മൂന്നുപേര്‍ക്ക് പരുക്ക്. എടോടിയില്‍ കേളു ഏട്ടന്‍ സ്മാരക മന്ദിരത്തിന് സമീപത്തെ വടകര ടവറിലാണ് അപകടം.
നാലാംനിലയില്‍ പുതുതായി തുടങ്ങുന്ന സിയോണ സെന്ററിലേക്ക് ലിഫ്റ്റില്‍ സാധനങ്ങളുമായി കയറിയവരാണ് അപകടത്തില്‍പ്പെട്ടത്.
സെന്ററിലെ ജീവനക്കാരായ നജാദ്, മുഹമ്മദ്, അജ്മല്‍ എന്നിവര്‍ക്കാണ് പരുക്കേറ്റത്. ഇവരെ വടകര സഹകരണാശുപത്രിയില്‍ പ്രവേശിപ്പിച്ചു.
ലിഫ്റ്റിന്റെ കമ്പി പൊട്ടിയാണ് അപകടമുണ്ടായത്. നാലാം നിലയുടെ പകുതി എത്തുമ്പോഴേക്കും കമ്പി പൊട്ടിവീഴുകയായിരുന്നു. മൂന്നു പേരുടേയും കൈക്കും കാലിനുമാണ് പരുക്ക്. പൊലിസും ഫയര്‍ഫോഴ്‌സും സ്ഥലത്തെത്തി.