മനാമ: ബഹ്‌റൈനിലെ ഒരു ജ്വല്ലറി ഉടമയില്‍ നിന്നും 1718230 രൂപയുടെ (ഏകദേശം 10,000 ബഹ്‌റൈന്‍ ദിനാര്‍) സ്വര്‍ണം കവര്‍ന്നതായി പരാതി.
ബഹ്‌റൈന്‍ തലസ്ഥാനമായ മനാമയിലാണ് സംഭവം. ഇവിടെ ജ്വല്ലറി നടത്തുന്ന രജനികാന്ത് കിച്ചാഡിയ എന്ന 59കാരന്റെ സ്വര്‍ണമാണ് ഒരു സംഘം കവര്‍ന്നത്.

ഇവിടെ ജാവേദ് ഹൗസിന് എതിര്‍വശത്താണ് സംഭവമുണ്ടായത്. തിരിച്ചറിയാന്‍ കഴിയാത്ത നാല് പേരടങ്ങുന്ന സംഘം രജനികാന്തിനെ മര്‍ദ്ദിച്ച ശേഷം കൈവശമുണ്ടായിരുന്ന സ്വര്‍ണവുമായി കടന്നു കളയുകയായിരുന്നുവെന്നാണ് റിപ്പോര്‍ട്ട്. സംഭവത്തില്‍ ഇയാളുടെ തലയ്ക്ക് പരുക്കേറ്റിട്ടുണ്ട്. പൊലീസ് കേസെടുത്ത് അന്വേഷണമാരംഭിച്ചു.