തിരുവനന്തപുരം: ലോക്ഡൗണ്‍ നിര്‍ദേശങ്ങള്‍ ലംഘിച്ചാല്‍ ഇന്നുമുതല്‍ എപ്പിഡമിക് ആക്ട് പ്രകാരം കേസെടുക്കുമെന്ന് മുഖ്യമന്ത്രി പിണറായി വിജയന്‍.  

അനാവശ്യയാത്രയുമായി ബന്ധപ്പെട്ട് ഇതുവരെ 22,338 കേസുകള്‍ രജിസ്റ്റര്‍ ചെയ്തു. 2,155 പേര്‍ അറസ്റ്റിലായി. 12,783 വാഹനങ്ങള്‍ പിടിച്ചെടുത്തു. 

എപ്പിഡെമിക് ആക്ട് പ്രകാരം കേസെടുത്താല്‍ 10,000 രൂപ പിഴയും രണ്ടുവര്‍ഷം വരെ തടവും ശിക്ഷ ലഭിക്കും.  

ഇന്നുമുതല്‍ റോഡുകളിലെ നിയന്ത്രണം കൂടുതല്‍ കര്‍ശനമാക്കാനാണ് സര്‍ക്കാര്‍ തീരുമാനം. നിരോധനം ലംഘിച്ച് യാത്ര ചെയ്തതിന് സംസ്ഥാനത്തൊട്ടാകെ ഇന്നലെ 1,733 പേര്‍ക്കെതിരേ കേസെടുത്തു.  ഇന്നലെ മാത്രം അറസ്റ്റിലായത് 1,729 പേരാണ്. 1,237 വാഹനങ്ങളും പിടിച്ചെടുത്തു.