ലോസ്സന്നെ: അഴിമതിയും സാമ്പത്തിക ക്രമക്കേടുകളും സംബന്ധിച്ച വിവരങ്ങള്‍ അന്വേഷണ സമിതിയായ സ്വിസ് അതോറിറ്റിക്കു കൈമാറിയതായി ഫിഫ. 1,300 പേജുകളുള്ള റിപ്പോര്‍ട്ടാണു ഫിഫ സമര്‍പ്പിച്ചിരിക്കുന്നത്. ഫുട്‌ബോളിലെ അഴിമതി സംബന്ധിച്ച് യു.എസ് അധികൃതര്‍ കണ്ടെത്തിയ വിവരങ്ങളും ഫിഫ നല്‍കിയ റിപ്പോര്‍ട്ടിലുണ്ട്. നിരവധി ഇ മെയിലുകളും മറ്റു വിവരങ്ങളും കൈമാറിയ രേഖകളിലുണ്ടെന്നും അന്വേഷണ സംഘത്തിനു ഇതുപകാരപ്പെടുമെന്നും ഒരു ഫിഫ വക്താവ് വ്യക്തമാക്കി.