ബംഗളൂരു: കര്‍ണാടകയിലെ രാംനഗറിലുണ്ടായ വാഹനാപകടത്തില്‍ രണ്ട് എന്‍ജിനിയറിങ് വിദ്യാര്‍ഥികള്‍ മരിച്ചു. ഇവരില്‍ ഒരാള്‍ മലയാളിയാണെന്ന് പൊലിസ് അറിയിച്ചു. മലയാളി വിദ്യാര്‍ഥിയായ അഭിനവ്(22), ഒഡിഷ സ്വദേശിയായ നവജ്യോത്(22) എന്നിവരാണ് മരിച്ചത്. അപകടത്തില്‍ രണ്ടുപേര്‍ക്ക് പരുക്കേറ്റിട്ടുണ്ട്.

കര്‍ണാടക ട്രാന്‍സ്‌പോര്‍ട്ട് കോര്‍പറേഷന്റെ ബസുമായി ഇവര്‍ സഞ്ചരിച്ച ബൈക്ക് ഇടിക്കുകയായിരുന്നു.
ഇടിയുടെ ആഘാതത്തില്‍ ബസിനടിയിലേക്കു വീണുപോയ ഇരുവരുടേയും ശരീരത്തിലൂടെ ബസ് കയറിയിറങ്ങി. ആശുപത്രിയിലെത്തിച്ചെങ്കിലും ഇരുവരേയും രക്ഷിക്കാനായില്ല. വിദ്യാര്‍ഥികള്‍ നാലുപേരും കേരളത്തില്‍ വന്ന് ബൈക്കില്‍ തിരിച്ചു പോകുമ്പോഴായിരുന്നു അപകടമെന്ന് പൊലിസ് അറിയിച്ചു.