മനില: രാജ്യത്തെ ജനാധിപത്യ കശാപ്പിനെതിരേ വിമര്‍ശനമുന്നയിച്ച യു.എന്‍ പ്രതിനിധിക്കെതിരേ ആക്ഷേപവര്‍ഷവുമായി ഫിലിപ്പൈന്‍സ് പ്രസിഡന്റ് റോഡ്രിഗോ ഡ്യുറ്റെര്‍റ്റെ. ജഡ്ജിമാരുടെ സ്വാതന്ത്ര്യവുമായി ബന്ധപ്പെട്ട കാര്യങ്ങളുടെ ചുമതലയുള്ള യു.എന്‍ പ്രത്യേക പ്രതിനിധി ഡീഗോ ഗാര്‍സിയ സയാനോടായിരുന്നു ഡ്യുറ്റെര്‍റ്റെയുടെ പ്രതികരണം.
''അയാളോട് എന്റെ രാജ്യത്തെ ആഭ്യന്തര പ്രശ്‌നത്തില്‍ ഇടപെടേണ്ടെന്നു പറഞ്ഞേക്കൂ. പോയി നശിക്കൂ'' എന്ന് ഡ്യുറ്റെര്‍റ്റെ പറഞ്ഞു. ഡ്യുറ്റെര്‍റ്റെ ശത്രുവായി പ്രഖ്യാപിച്ച ഫിലിപ്പൈിന്‍സ് ചീഫ് ജസ്റ്റിസ് മരിയ ലോര്‍ഡേഴ്‌സ് സെരെനോയെ കഴിഞ്ഞ മാസം ഇംപീച്ച് ചെയ്തിരുന്നു.