ബെയ്ജിങ്: അമേരിക്ക പുതിയ ഉപരോധങ്ങള്‍ക്കു തുനിയുകയാണെങ്കില്‍ ഇതുവരെ നടത്തിയ വ്യാപാര ചര്‍ച്ചകള്‍ നിരര്‍ഥകമാകുമെന്ന് ചൈന. ചൈനീസ് ഉപപ്രധാനമന്ത്രി ലിയു ഹെയും യു.എസ് വാണിജ്യ സെക്രട്ടറി വില്‍ബര്‍ റൂസും തമ്മില്‍ നടത്തിയ കൂടിക്കാഴ്ചയ്ക്കു ശേഷമായിരുന്നു ചൈനയുടെ പ്രതികരണം.
ചൈനീസ് ഉല്‍പന്നങ്ങള്‍ക്ക് 50 ബില്യന്‍ ഡോളറിന്റെ അധിക തീരുവ ചുമത്തുമെന്ന് അമേരിക്ക ഭീഷണിപ്പെടുത്തിയിരുന്നു. ഇതിനു പിറകെയാണ് വില്‍ബര്‍ റൂസ് ചൈന സന്ദര്‍ശിച്ചത്.