പൂച്ചാക്കല്‍:പാണാവള്ളി പഞ്ചായത്ത് ഭരണസമിതി അവതരിപ്പിച്ച ബജറ്റില്‍ പാര്‍പ്പിട പദ്ധതിയും അഞ്ചുതുരുത്ത് പാലവും ഒഴിവാക്കിയ നടപടിയില്‍ കോണ്‍ഗ്രസ് പാര്‍ലമെന്ററി പാര്‍ട്ടി പ്രതിഷേധിച്ചു.
കഴിഞ ഭരണ സമിതി നെഹ്‌റു ഭവന്‍ എന്ന പേരില്‍ പ്രത്യേക ഭവന പദ്ധതിയിലൂടെ ഒരു വാര്‍ഡില്‍ മൂന്നു പേര്‍ക്കുവീതം വീട് നല്‍കിയിരുന്നു. അഞ്ചുതുരുത്ത് ദ്വീപിലേക്ക് പാലം നിര്‍മ്മിക്കുന്നതിന് കഴിഞ്ഞ ഭരണ സമിതി ഒരു കോടി മുപ്പത് ലക്ഷം രൂപ ദ്വിവത്സര പദ്ധതിയിലുടെ വകയിരുത്തിയെങ്കിലും ഈ ഭരണ സമിതി പാലം ഉപേക്ഷിച്ച് പണം വകമാറ്റി ചിലവഴിക്കുകയായിരുന്നു. ഈ വര്‍ഷത്തെ ബജറ്റിലും പാലത്തെ ഒഴിവാക്കിയ നടപടി പ്രതിഷേധാര്‍ഹമാണന്ന് പ്രതിപക്ഷ നേതാവ് എസ്.രാജേഷ് ആരോപിച്ചു.