ന്യൂഡല്‍ഹി: വിദേശകാര്യ മന്ത്രി സുഷമാ സ്വരാജുമായി മൗറീഷ്യസിലേക്ക് പറന്ന വിമാനം 14 മിനുട്ട് അപ്രത്യക്ഷമായി. ശനിയ്‌ഴ്ച ഉച്ചക്ക് 2.8ന് തിരുവന്തപുരം വിമാനത്താവളത്തില്‍ നിന്ന് പുറപ്പെട്ട മേഘ്ദൂത് വിമാനമാണ് റഡാറില്‍ നിന്ന് അപ്രത്യക്ഷമായത്. മൗറീഷ്യസ് വ്യോമ അതിര്‍ത്തിയില്‍ പ്രവേശിച്ച ഉടനെയാണ് സംഭവം. മാലദ്വീപ് അതിര്‍ത്തിയില്‍ എത്തിയപ്പോഴാണ് ബന്ധം നഷ്ടമായതെന്ന് എയര്‍പ്പോര്‍ട്ട് അതോറിട്ടി പറഞ്ഞു. മാലി വ്യോമ അധികൃതരുമായി മൗറീഷ്യസ് ബന്ധപ്പെട്ടെങ്കിലും യാതൊരു വിവരങ്ങളും ലഭിച്ചില്ല. ഇതിനെ തുടര്‍ന്ന് ഇന്‍സെര്‍ഫ അലാം നല്‍കി. വിമാനം കാണാതാവുമ്പോള്‍ നല്‍കുന്ന മുന്നറിയിപ്പാണിത്. വൈകിട്ട് 4.44 മുന്നറിയിപ്പ് നല്‍കിയത്. 4.58ന് പൈലറ്റ് മൗറീഷ്യസ് എയര്‍ ട്രാഫിക് കണ്‍ട്രോള്‍ റൂമിലേക്ക് സന്ദേശം അയച്ചതോടെയാണ് ആശങ്കയകന്നത്.