ധാക്ക: ബംഗ്ലാദേശിലെ ബ്രഹ്മരാജ്പൂരില്‍ ഹിന്ദു സന്യാസിയെ ഒരു സംഘമാളുകള്‍ അക്രമിച്ചു പരുക്കേല്‍പ്പിച്ചു. ശ്രീ ശ്രീ ബാബാ സിന്ദുഭര്‍ എന്ന സന്യാസിയാണ് അക്രമത്തിനിരയായത്. ഇവിടുത്തെ ഒരു ക്ഷേത്രത്തിലെ പൂജാരിയാണിദ്ദേഹം.

ശനിയാഴ്ച പുലര്‍ച്ചെ ക്ഷേത്രത്തിനകത്തുവച്ചായിരുന്നു ഒരുസംഘമാളുകള്‍ ഇദ്ദേഹത്തെ വളഞ്ഞിട്ട് ക്രൂരമായി അക്രമിച്ചത്. ഉറക്കത്തില്‍നിന്നു വിളിച്ചുണര്‍ത്തിയായിരുന്നു ആക്രമണം.സംഭവമറിഞ്ഞു നാട്ടുകാര്‍ സ്ഥലത്തെത്തിയപ്പോഴേക്കും അക്രമികള്‍ കടന്നുകളഞ്ഞു. ഖുല്‍ന മെഡിക്കല്‍ കോളജില്‍ പ്രവേശിപ്പിക്കപ്പെട്ട പൂജാരിയുടെ നില ഗുരുതരമാണ്.ബംഗ്ലാദേശില്‍ ഈയിടെയായി ഹിന്ദു സന്യാസികള്‍ക്കെതിരായ അക്രമങ്ങള്‍ വര്‍ധിക്കുകയാണ്. മര്‍ദനമേറ്റ ഒരു പൂജാരി വെള്ളിയാഴ്ച മരിച്ചിരുന്നു.