വൈക്കം: സോഷ്യല്‍ ജസ്റ്റീസ് വെല്‍ഫെയര്‍ സൊസൈറ്റി വൈക്കം താലൂക്ക് കമ്മിറ്റിയുടെ ആഭിമുഖ്യത്തില്‍ വൈക്കം സത്യഗ്രഹത്തിന്റെ 93-ാം വാര്‍ഷികവും സത്യഗ്രഹസമര രക്തസാക്ഷികളെ ആദരിക്കലും നടത്തി. ദളവാക്കുളത്ത് പുഷ്പാര്‍ച്ചന നടത്തിയാണ് പരിപാടി ആരംഭിച്ചത്. വൈക്കപ്പന്‍ ടൂറിസ്റ്റ് ഹോമില്‍ നടന്ന പരിപാടിയില്‍ സോഷ്യല്‍ ജസ്റ്റീസ് വെല്‍ഫെയര്‍ സൊസൈറ്റി സംസ്ഥാന പ്രസിഡന്റ് ആപ്പാഞ്ചിറ പൊന്നപ്പന്‍ അധ്യക്ഷനായി.
നഗരസഭാ ചെയര്‍മാന്‍ അനില്‍ ബിശ്വാസ് ഉദ്ഘാടനം ചെയ്തു. സുകുമാരന്‍ മൂലേക്കാട് സത്യഗ്രഹ അനുസ്മരണ പ്രഭാഷണം നടത്തി. താലൂക്ക് പ്രസിഡന്റ് വൈക്കം ദാമു മാസ്റ്റര്‍, വൈസ് പ്രസിഡന്റ് സാബു മൂലേക്കുന്നം അഡ്വ. കെ.പി റോയി, ചന്ദ്രന്‍ മൂശാറയില്‍, കെ.കെ വിജയപ്പന്‍, പി.ആര്‍ തങ്കപ്പന്‍, ടി.വി രാജീവന്‍, ടോമി, സുനില്‍, ശിവന്‍, മുകുന്ദന്‍, അനിതകുമാരി പ്രസംഗിച്ചു. യോഗത്തില്‍ സുബ്രഹ്മണ്യന്‍ അമ്പാടിയെ ആദരിച്ചു.