ആയഞ്ചേരി: ആയഞ്ചേരിയിലും പരിസര പ്രദേശങ്ങളിലുമുള്ള വിദ്യാര്‍ഥികളുടെ പ്ലസ്‌വണ്‍ പ്രവേശനത്തിനുള്ള അവസരം കോഴിക്കോട് സിറ്റി പ്രദേശങ്ങളിലുള്ള അക്ഷയ കേന്ദ്രങ്ങള്‍ നഷ്ടപ്പെടുത്തിയതായി പരാതി. കോഴിക്കോട് മെഡിക്കല്‍ കോളജിനടുത്തുള്ള റഹ്മാനിയ്യ ഹയര്‍സെക്കന്‍ഡറി സ്‌കൂളിനു പകരം ആയഞ്ചേരി റഹ്മാനിയ്യ ഹയര്‍സെക്കന്‍ഡറി സ്‌കൂളിലേക്കാണ് അപേക്ഷ നല്‍കിയത്.
ഇതു വിദൂരസ്ഥലങ്ങളില്‍ നിന്നു വരുന്ന വിദ്യാര്‍ഥികള്‍ക്ക് ഏറെ ബുദ്ധിമുട്ടുണ്ടാക്കുന്നുണ്ട്. ഇതോടെ റഹ്മാനിയ്യ ആയഞ്ചേരിയില്‍ അര്‍ഹതയുള്ള വിദ്യാര്‍ത്ഥികള്‍ പ്രൈവറ്റ് സ്ഥാപനങ്ങളില്‍ പഠിക്കേണ്ട അവസ്ഥയിലാണ്. സപ്ലിമെന്ററി ലിസ്റ്റ് വളരെ വൈകി പ്രസിദ്ധീകരിക്കുന്നതു പ്രസ്തുത ഒഴിവിലേക്കു കുട്ടികളുടെ പ്രവേശനം വൈകുന്നതിനിടയാക്കുന്നു. ഇത് സ്‌കൂള്‍ അധികൃതര്‍ക്കും പ്രയാസം സൃഷ്ടിക്കുന്നുണ്ട്.