തൊടുപുഴ: വോളിബോളിന്റെ രക്ഷയ്ക്കായി ജില്ലാ വോളി സൗഹൃദകൂട്ടായ്മ സംഘടിപ്പിക്കുന്നു. നാളെ വൈകിട്ട് അഞ്ചിന് മുട്ടം വ്യാപാരഭവന്‍ ഓഡിറ്റോറിയത്തിലാണ് കൂട്ടായ്മ. ജില്ലയിലെ പഴയകാല വോളിബോള്‍ കളിക്കാരും പുതിയ താരങ്ങളും ക്ലബ് ടൂര്‍ണമെന്റ് ഭാരവാഹികളും പങ്കെടുക്കും.
രാജ്യാന്തര താരങ്ങളായിരുന്ന എസ്. ഗോപിനാഥ്, അര്‍ജുന അവാര്‍ഡ് ജേതാവ് ടോം ജോസഫ്, ആര്‍. രാജീവ്, രാജ് വിനോദ്, എസ്.എ മധു, കിഷോര്‍കുമാര്‍, എന്‍.സി ചാക്കോ, ജോസ് നെയ്യശേരി, വി.സി ജോര്‍ജ് പങ്കെടുക്കുമെന്ന് സംഘാടകര്‍ അറിയിച്ചു.