നിരത്തിലിറങ്ങിയത് എം.പി ഫണ്ട് ഉപയോഗിച്ച് വാങ്ങിയ സംസ്ഥാനത്തെ ആദ്യ ഐ.സി.യു ആംബുലന്‍സ്
നിലമ്പൂര്‍: ജില്ലാ ആശുപത്രിയിലെ ഐ.സി.യു സംവിധാനമുള്ള ആംബുലന്‍സ് നിരത്തിലിറക്കി. പി വി അബ്ദുല്‍ വഹാബ് എംപി താക്കോല്‍ ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണനും ജില്ലാ ആശുപത്രി സൂപ്രണ്ട് ഡോ. സി. ഹമീദ് എന്നിവര്‍ക്ക് നല്‍കി സമര്‍പ്പണം നടത്തി. എം.പിയുടെ പ്രാദേശിക വികസന ഫണ്ടില്‍ നിന്നും അനുവദിച്ച 29.14 ലക്ഷം രൂപ ചെലവഴിച്ചാണ് ആംബുലന്‍സ് വാങ്ങിയത്.
വെന്റിലേറ്റര്‍, മോണിറ്റര്‍, ഡിഫിബ്രിലേറ്റര്‍ തുടങ്ങി ആധുനിക സംവിധാനങ്ങളോട് കൂടിയുള്ള ആംബുലന്‍സ് ജില്ലയില്‍ വേറെ സര്‍ക്കാര്‍ ആശുപത്രികളില്‍ ഇല്ല. സംസ്ഥാനത്ത് എം.പി ഫണ്ട് ഉപയോഗിച്ച് വാങ്ങിയ ആദ്യ ഐസിയു ആംബുലന്‍സ് എന്ന പ്രത്യേകതയും ഇതിനുണ്ട്.
ജില്ലാ പഞ്ചായത്ത് അംഗങ്ങളായ ഒ.ടി ജെയിംസ്, ഇസ്മാഈല്‍ മൂത്തേടം, എച്ച്.എം.സി അംഗങ്ങളായ കെ.സി വേലായുധന്‍, കെ.ടി കുഞ്ഞാന്‍, ബിനോയ് പാട്ടത്തില്‍, എന്‍ വേലുക്കുട്ടി, ഗിരീഷ് മോളൂര്‍മഠത്തില്‍, മുജീബ് ദേവശ്ശേരി, എരഞ്ഞിക്കല്‍ ഇസ്മായില്‍, പട്ടിക്കാടന്‍ ഷാനവാസ് തുടങ്ങിയവര്‍ പങ്കെടുത്തു.