കരുനാഗപ്പള്ളി: സ്‌കൂട്ടറില്‍ വില്‍പനക്കായി കടത്തികൊണ്ട് വന്ന പത്ത് ലിറ്റര്‍ ചാരയവും ഒരാളെയുംകരുനാഗപ്പള്ളി എക്‌സൈസ് സംഘംപിടികൂടി. പാവുമ്പാതെക്ക്, ഉടയച്ചന്‍വിളതെക്കതില്‍ വീട്ടില്‍ സോമന്‍ (42) ആണ് അറസ്റ്റിലായത്.
വ്യാഴാഴ്ച്ച രാത്രിയില്‍ കരുനാഗപ്പള്ളി എക്‌സൈസ് റെയിഞ്ച് എസ്.ഐ സഹദുല്ലയുടെ നേതൃത്വത്തില്‍ മണപ്പള്ളി പാവുമ്പാ റോഡില്‍ വാഹനങ്ങള്‍ പരിശോധിക്കുന്നതിനിടെ സ്‌കൂട്ടറില്‍ കന്നാസില്‍ കടത്തികൊണ്ടു വന്ന 10 ലിറ്റര്‍ ചാരായം പിടികൂടുകയായിരുന്നു.
ഉത്സവ കാലമായതിനാല്‍ ചാരായം വാറ്റി വില്‍പ്പനക്ക് കൊണ്ടുവന്നതാണെന്നും സ്‌കൂട്ടറില്‍ കറങ്ങി നടന്ന് ചാരായം ആവശ്യക്കാര്‍ക്ക് എത്തിച്ചു കൊടുക്കുകയാണ് പതിവെന്നും ഇയാള്‍ പറഞ്ഞതായി എക്‌സൈസ് ഓഫിസര്‍ പറഞ്ഞു. വാഹന പരിശോധനയില്‍ പ്രിവിന്റീവ് ഓഫിസര്‍മാരായ അന്‍വര്‍, ഹരികൃഷ്ണന്‍, സി.ഇ.ഒ മാരായ വിജു, സന്തോഷ്, സജീവ് കുമാര്‍, ശ്യാംദാസ്, സുധീര്‍ ബാബു പങ്കെടുത്തു. പ്രതിയെ കരുനാഗപ്പള്ളി ജുഡീഷണല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ ഹാജരാക്കി കോടതി റിമാന്‍ഡ് ചെയ്തു.