കുറ്റ്യാടി: പകര്‍ച്ചവ്യാധി പ്രതിരോധ പ്രവര്‍ത്തനം ഊര്‍ജിതമാക്കി നരിക്കൂട്ടുംചാല്‍ വേദിക വായനശാല പ്രവര്‍ത്തകര്‍. മഴക്കാലപൂര്‍വ്വ ശുചീകരണത്തിന്റെ ഭാഗമായി സംസ്ഥാന പാതയിലെ കാടുമൂടി കിടക്കുന്ന ഭാഗങ്ങള്‍ വൃത്തിയാക്കുകയും ഓവുചാലുകള്‍ ശുചീകരിച്ച് പ്ലാസ്റ്റിക് ഉള്‍പ്പടെയുള്ള മാലിന്യങ്ങള്‍ നീക്കം ചെയ്യുകയും ചെയ്തു.
ശുചീകരണ പ്രവൃത്തി കുറ്റ്യാടി പഞ്ചായത്ത് പ്രസിഡന്റ് സി.എന്‍ ബാലകൃഷ്ണന്‍ ഉദ്ഘാടനം ചെയ്തു. ജെ.ഡി ബാബു അധ്യക്ഷനായി. എസ്.ജെ സജീവ് കുമാര്‍, പി.പി ദിനേശന്‍, ടി. സുരേഷ് ബാബു, ടി.പി സജീവന്‍, അജി കൂരാറ, കെ. സുനില്‍കുമാര്‍, സിദ്ധാര്‍ത്ഥ് നരിക്കൂട്ടുംചാല്‍, സൂരജ് ആര്‍ രവീന്ദ്രന്‍, ജിഷ്ണു സായി നേതൃത്വം നല്‍കി.