കോഴിക്കോട്: പ്രിസവും ഫൈസല്‍ ആന്‍ഡ് ഷബാന ഫൗണ്ടേഷനും അമേരിക്കയിലെ ടീം സി.ടി.ആര്‍.എല്ലു(അബ്‌സല്യൂട്ട് കണ്‍ട്രോള്‍)മായി സഹകരിച്ച് 'റോബോട്ടിക്‌സ് ആന്‍ഡ് മൈക്രോ കണ്‍ട്രോളേഴ്‌സ് ' വിഷയത്തില്‍ നടക്കാവ് ഗവ. വൊക്കേഷനല്‍ ഹയര്‍ സെക്കന്‍ഡറി സ്‌കൂള്‍ ഫോര്‍ ഗേള്‍സില്‍ സെമിനാര്‍ സംഘടിപ്പിച്ചു.
റോബോട്ടിക് വിഷയത്തില്‍ ഇതാദ്യമായാണ് ഒരു സര്‍ക്കാര്‍ സ്‌കൂളുമായി അമേരിക്കന്‍ ടീം കൈകോര്‍ക്കുന്നത്. 80 വിദ്യാര്‍ഥികള്‍ പങ്കെടുത്ത സെമിനാറില്‍ തിയറി പ്രാക്ടിക്കല്‍ ക്ലാസുകള്‍ നടന്നു.
ശാസ്ത്ര വിഷയങ്ങളുമായി ബന്ധപ്പെട്ട് പ്രവര്‍ത്തിക്കുന്ന നോണ്‍ പ്രോഫിറ്റ് ഹാക്ക്ഗ്രൗണ്ടിന്റെ സ്ഥാപകന്‍ പ്രസാദ് കരുണാകരനാണു പരിപാടി സംഘടിപ്പിച്ചത്.