തിരുവനന്തപുരം: കോളജ് ഓഫ് എന്‍ജിനീയറിങ് മുട്ടത്തറ, റോട്ടറി ക്ലബ് ഓഫ് ട്രിവാന്‍ഡ്രം വെസ്റ്റ് എന്നിവയുടെ ആഭിമുഖ്യത്തില്‍ കോളജ് കാംപസില്‍ സൗജന്യ മെഡിക്കല്‍ ക്യാംപ് നടത്തി.
കോളജ് പ്രിന്‍സിപ്പാള്‍ ഡോ. ജി.എല്‍ വല്‍സലയുടെ അധ്യക്ഷതയില്‍ കൂടിയ യോഗത്തില്‍ ഗവ. ദന്തല്‍ കോളജ് അസി. പ്രൊഫ. ഡോ. ആനന്ദ് ഉദ്ഘാടനം ചെയ്തു. റോട്ടറി ക്ലബ് പ്രസിഡന്റ് രാജന്‍ബാബു, പ്രൊഫ. ആര്‍. ബിജുകുമാര്‍ തുടങ്ങിയവര്‍ സംസാരിച്ചു. പി.എം.എസ് ദന്തല്‍ മെഡിക്കല്‍കോളജ് വട്ടപ്പാറ, അഹല്യാ ഫൗണ്ടേഷന്‍ കണ്ണാശുപത്രി ഉള്ളൂര്‍ എന്നിവയില്‍ നിന്നുള്ള ഡോക്ടര്‍മാരും ടെക്‌നീഷ്യന്മാരും നേതൃത്വം നല്‍കി.