കൂട്ടായി: കൂട്ടായി നോര്‍ത്ത് ജി.എം.എല്‍.പി സ്‌കൂളിന്റെ ഒരു വര്‍ഷം നീണ്ടുനില്‍ക്കുന്ന ശതാബ്ദി ആഘോഷത്തിന് എഴുത്തുമ്മ നഗറില്‍ തുടക്കമായി. മംഗലം പഞ്ചായത്ത് പ്രസിഡന്റ് ഹാജറ മജീദ് പതാക ഉയര്‍ത്തിയതോടെയാണ് പരിപാടികള്‍ക്ക് തുടക്കമായത്. ഒരു വര്‍ഷം നീണ്ടു നില്‍ക്കുന്ന വിവിധ പരിപാടികള്‍ സംഘടിപ്പിക്കും. സ്പീക്കര്‍ മന്ത്രിമാര്‍ എം.പി,എം.എല്‍.എ മാര്‍ സാസ്‌കാരിക നായകന്‍മാര്‍ തുടങ്ങയവര്‍ പങ്കെടുക്കും. പതാക ഉയര്‍ത്തല്‍ കര്‍മത്തിന് ശേഷം വിദ്യാര്‍ഥികള്‍ വിളംബരജാഥ നടത്തി. ജനപ്രതിനിധികളായ അഡ്വക്കറ്റ് പി നസറുള്ള,സി.പി ഷുക്കൂര്‍, അല്‍ത്താഫ് ഹുസൈന്‍,കെ ഫൗസിയ,ഒറ്റയില്‍ സുഹറ നേതൃത്വം നല്‍കി.