കാബൂള്‍: അഫ്ഗാനിസ്ഥാനിലെ കാബൂളില്‍ വീണ്ടും ചാവേറാക്രമണം. തുടരെയുണ്ടാകുന്ന സ്‌ഫോടനങ്ങളും ആക്രമണങ്ങളും തടഞ്ഞ് എങ്ങനെ സമാധാനം പുന:സ്ഥാപിക്കാമെന്ന് ചര്‍ച്ച ചെയ്യാനെത്തിയ മുസ്‌ലിം പണ്ഡിതന്മാര്‍ക്കും നേതാക്കള്‍ക്കും നേരെയാണ് ഇന്ന് ആക്രമണമുണ്ടായത്. ആക്രമണത്തില്‍ 12 പേര്‍ കൊല്ലപ്പെട്ടു.

കാബൂളിലെ പോളിടെക്‌നിക് യൂനിവേഴ്‌സിറ്റിക്കു സമീപത്തുള്ള ടെന്റിലായിരുന്നു യോഗം. നിരവധി പേര്‍ക്ക് പരുക്കേല്‍ക്കുകയും ചെയ്തിട്ടുണ്ട്. മരണസംഖ്യ ഉയരാന്‍ സാധ്യതയുണ്ടെന്ന് അഫ്ഗാന്‍ ആഭ്യന്തര മന്ത്രാലയ വക്താവ് നജീബ് ദാനിഷ് പറഞ്ഞു.

ഇടയ്ക്കിടെ തലസ്ഥാന നഗരിയായ കാബൂളില്‍ ഉണ്ടാവുന്ന സ്‌ഫോടനങ്ങളുടെ ഉത്തരവാദിത്തം ഏറ്റെടുത്ത് ഭീകരസംഘടനയായ താലിബാന്‍ രംഗത്തുവരാറുണ്ട്. ഇതും താലിബാന്‍ ആണെന്നാണ് നിഗമനം.