വടക്കാഞ്ചേരി: ലോക്ക്ഡൗണിനെ തുടര്‍ന്ന് മഹാരാഷ്ട്രയിലെ ധുലെയില്‍ അപാര്‍ട്‌മെന്റില്‍ കുടുങ്ങിയ 20 മലയാളി യുവാക്കള്‍ക്ക് ഒടുവില്‍ ഭക്ഷ്യധാന്യങ്ങളും പാചക വാതകവുമെത്തി. 'സുപ്രഭാതം' വാര്‍ത്തയെ തുടര്‍ന്നാണ് അധികൃതരുടെ ഇടപെടല്‍.
ഫാസ്റ്റ് മൂവിങ് കണ്‍സ്യൂമര്‍ ഗുഡ്‌സ് സ്ഥാപനമായ ജീവന്‍ ജ്യോതി അസോസിയേറ്റ്‌സ് കമ്പനിയിലെ മാര്‍ക്കറ്റിങ് ട്രെയിനികളായ യുവാക്കളാണ് താമസസ്ഥലത്ത് കുടുങ്ങിയത്. കാര്യങ്ങള്‍ കൂടുതല്‍ വഷളായതോടെയാണ് യുവാക്കള്‍ ബന്ധുക്കളെ വിവരമറിയിച്ചത്. ഇതില്‍ വടക്കാഞ്ചേരി സ്വദേശിയുടെ ബന്ധുക്കള്‍ മന്ത്രി എ.സി മൊയ്തീന് പരാതി നല്‍കിയിരുന്നു. യുവാക്കളുടെ സ്ഥിതിയെകുറിച്ച് 'സുപ്രഭാതം' വാര്‍ത്ത നല്‍കിയിരുന്നു.