മാനന്തവാടി: ഗവ. എന്‍ജിനീയറിങ് കോളജ് എന്‍.എസ്.എസ് യൂനിറ്റുകളുടെയും ഭൂമിത്ര സേനയുടെയും സംയുക്താഭിമുഖ്യത്തില്‍ കേരള ശാസ്ത്ര സാങ്കേതിക പരിസ്ഥിതി കൗണ്‍സിലിന്റെ പിന്തുണയോടെ നടത്തുന്ന പരിസ്ഥിതി സംരക്ഷണ പ്രവര്‍ത്തനങ്ങളുടെ ഭാഗമായി വയനാട് വന്യജീവി സങ്കേതത്തിലെ ബേഗൂരില്‍ പ്രകൃതി പഠന ക്യാംപ് സംഘടിപ്പിച്ചു. പ്രവര്‍ത്തനങ്ങളുടെ ഭാഗമായി എണ്ണൂറോളം വൃക്ഷത്തൈകള്‍ നട്ടു. പ്രോഗ്രാം ഓഫിസര്‍ ആബിദ് തറവട്ടത്ത്, അസിസ്റ്റന്റ് ഫോറസ്റ്റ് ഓഫിസര്‍ ബൈജുനാഥ്, ബീറ്റ് ഓഫിസര്‍ നൗഫല്‍, അബ്ദുല്‍ വാസിഹ്, വര്‍ഗീസ് നേതൃത്വം നല്‍കി. പരിസ്ഥിതി പ്രവര്‍ത്തകന്‍ സുധീഷ് ബോധവല്‍ക്കരണ ക്ലാസെടുത്തു.
കാര്‍ഷിക മേഖലക്ക് ഊന്നല്‍ നല്‍കി ബത്തേരി ബ്ലോക്ക് പഞ്ചായത്ത് ബജറ്റ്
സുല്‍ത്താന്‍ ബത്തേരി: കാര്‍ഷിക മേഖലയ്ക്ക് ഊന്നല്‍ നല്‍കി സുല്‍ത്താന്‍ ബത്തേരി ബ്ലോക്ക് പഞ്ചായത്ത് 2016-17 വാര്‍ഷിക ബജറ്റ്.
75 കോടി 50ലക്ഷം രൂപ വരവും, 75കോടി 46ലക്ഷം രൂപ ചെലവും, രണ്ടരലക്ഷം രൂപ മിച്ചവും വരുന്ന ബജറ്റാണ് ബ്ലോക്ക് പഞ്ചായത്ത് ധനകാര്യസ്റ്റാന്റിംഗ് കമ്മിറ്റി ചെയര്‍മാനും വൈസ്പ്രസിഡന്റുമായ സുരേഷ് താളൂര്‍ അവതരിപ്പി്ച്ചത്. തരിശ് ഭൂമികളില്‍ കൃഷിയിറക്കുന്നതിന്നായി സമൃദ്ധിപദ്ധതി, കുടുംബശ്രീയുടെ സഹകരണത്തോടെ കാര്‍ഷിക വിപണന കേന്ദ്രങ്ങള്‍ തുടങ്ങി കാര്‍ഷിക മേഖലയ്ക്ക് ഊന്നല്‍ നല്‍കുന്നതാണ് 2016-17 വര്‍ഷത്തെ ബത്തേരി ബ്ലോക്ക് പഞ്ചായത്ത് വാര്‍ഷിക ബജറ്റ്. ഇതിന്നായി 7 കോടി 30ലക്ഷത്തി 50പതിനായിരം രൂപയാണ് വകയിരുത്തിരിക്കുന്നത്.
ഇതിനുപുറമെ മൃഗസംരക്ഷണ മേഖലയില്‍ ഗോശ്രീ പദ്ധതി നടപ്പിലാക്കും. പദ്ധതിയുടെ വിവധ ഭഗഭേദങ്ങള്‍ നടപ്പിലാക്കുന്നതിന്നായി 80ലക്ഷത്തോളം രൂപയാണ് വകയിരുത്തിയിരിക്കുന്നത്. വ്യവസായമേഖല, വിദ്യാഭ്യാസ മേഖല എന്നിയ്ക്ക് ബജറ്റി്ല്‍ തുക വയിരുത്തിയിട്ടുണ്ട്.
കുടിവെള്ളം-ജലസേചനം സമഗ്രമായി നടപ്പിലാക്കുന്നതിന്നായി അമൃതധാര പദ്ധതി നടപ്പിലാക്കും.ഇതിന്നായി ഒരു കോടി 25ലക്ഷം രൂപയാണ് വകയിരുത്തിയിട്ടുണ്ട്. ബജറ്റ് അവതരണ യോഗത്തില്‍ ബ്ലോക്ക് പ്രസിഡന്റ് ലതാശശി അധ്യക്ഷയായി.
സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍മാര്‍ ബ്ലോക്ക് പഞ്ചായത്ത് അംഗങ്ങള്‍, വിവധ ഗ്രാമപഞ്ചായത്ത് പ്രസിഡന്റുമാര്‍ വിവധ വകുപ്പ് ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.