ഗൂഡല്ലൂര്‍: കാട്ടാനയുടെ ആക്രമണത്തില്‍ യുവാവിന് ഗുരുതരമായി പരുക്കേറ്റു. മുതുമല പഞ്ചായത്തിലെ മുതുകുളി സ്വദേശി ആനന്ദിന്റെ മകന്‍ ശ്രീനിവാസ (27) നാണ് പരുക്കേറ്റത്. ഇയാളെ ഗൂഡല്ലൂര്‍ താലൂക്ക് ആശുപത്രിയില്‍ പ്രവേശിപ്പിച്ചു. സുഹൃത്തുക്കളായ ഉദയകുമാര്‍, സുരേഷ് എന്നിവരോടൊപ്പം ബോസ്പറയില്‍ നിന്ന് മുതുകുളിയിലേക്ക് നടന്നുവരുന്നതിനിടെയാണ് ഇവരെ കാട്ടാന ആക്രമിച്ചത്. സുഹൃത്തുക്കള്‍ ഓടി രക്ഷപ്പെട്ടെങ്കിലും ശ്രീനിവാസന്‍ ആനക്ക് മുന്നില്‍ പെടുകയായിരുന്നു. കഴിഞ്ഞ ദിവസം രാത്രിയിലാണ് സംഭവം. തുടര്‍ന്ന് സുഹൃത്തുക്കള്‍ ശബ്ദമുണ്ടാക്കിയതോടെ ആന പിന്തിരിയുകയാിരുന്നു.