കൊണ്ടോട്ടി: സുഗന്ധലേപനത്തിന്റെ കുപ്പിക്കുള്ളില്‍ ഒളിപ്പിച്ചു കടത്തിയ 349 ഗ്രാം സ്വര്‍ണം കരിപ്പൂര്‍ എയര്‍ കസ്റ്റംസ് ഇന്റലിജന്‍സ് പിടികൂടി. ഇന്നലെ എയര്‍ഇന്ത്യ വിമാനത്തില്‍ ദുബൈയില്‍ നിന്നെത്തിയ കൊണ്ടോട്ടി പള്ളിക്കല്‍ ബസാര്‍ സ്വദേശിയില്‍ നിന്നാണ് സ്വര്‍ണം കണ്ടെടുത്തത്. സുഗന്ധദ്രവ്യ കുപ്പിക്കുള്ളില്‍ ചെറിയ കമ്പികളാക്കി ഒളിപ്പിച്ചു കടത്തുകയായിരുന്നു. പിടികൂടിയ സ്വര്‍ണത്തിന് 10 ലക്ഷം രൂപ വില ലഭിക്കും.