തിരുവനന്തപുരം: പ്രധാനമന്ത്രി നരേന്ദ്രമോദി രാജ്യത്തെ ജനങ്ങളോട് ആഹ്വാനം ചെയ്തതനുസരിച്ച് എല്ലാവരും ഒരേ സമയം ലൈറ്റണയ്ക്കുന്നത് വൈദ്യുതവിതരണത്തെ ബാധിക്കുമെന്ന ആശങ്കയില്‍ കെ.എസ്.ഇ.ബി.

ഇതിനായി കെഎസ്ഇബി മുന്‍കരുതലെടുത്തു. പവര്‍ഗ്രിഡിന്റെ സന്തുലനത്തെ ബാധിക്കാതിരിക്കാന്‍ ആവശ്യമായ ക്രമീകരണം ഏര്‍പ്പെടുത്താനാണ് തീരുമാനം.

കൊവിഡിനെ നേരിടാന്‍ ഞായറാഴ്ച രാത്രി ഒന്‍പതിന് എല്ലാവരും ലൈറ്റുകള്‍ അണച്ച് ഒന്‍പത് മിനിറ്റ് നേരം ദീപം തെളിയിക്കണമെന്നാണ് പ്രധാനമന്ത്രി ആഹ്വാനം ചെയ്തത്.

ഇതിനെ പരിഹസിച്ച് പ്രമുഖര്‍ രംഗത്തെത്തിയിട്ടുണ്ട്. ദീപം തെളിയിക്കല്‍ അടിയന്തരസേവനത്തെ ബാധിക്കുമെന്ന് മഹാരാഷ്ട്ര കോണ്‍ഗ്രസ് മന്ത്രിയായ നിതിന്‍ റാവത്ത്‌ചൂണ്ടിക്കാട്ടി. ശിവസേന നേതാവ് സഞ്ചയ് റാവത്തും പ്രതികരണവുമായി എത്തിയിരുന്നു.