കോട്ടയം: കെവിന്‍വധക്കേസില്‍ അറസ്റ്റിലായ പ്രതികളുടെ ക്രിമിനല്‍ പശ്ചാത്തലവും പരിശോധിക്കുമെന്ന് കോട്ടയം എസ്.പി ഹരിശങ്കര്‍.
തെന്‍മലയില്‍ നടത്തിയ തെളിവെടുപ്പിനിടെ പ്രതികളുടെ പക്കല്‍നിന്ന് വടിവാള്‍ കണ്ടെത്തിയ സാഹചര്യത്തിലാണ് ഇവരുടെ ക്രിമിനല്‍ പശ്ചാത്തലത്തെക്കുറിച്ചും അന്വേഷിക്കുന്നത്. ആയുധങ്ങളുടെ ഉറവിടം കണ്ടെത്തുമെന്നും എസ്.പി അറിയിച്ചു.
സംഭവത്തില്‍ വീഴ്ചവരുത്തിയെന്ന് പ്രാഥമികമായി കണ്ടെത്തിയ ഉദ്യോഗസ്ഥരെ സസ്‌പെന്‍ഡ് ചെയ്തിരുന്നു. ഇതിന് പുറമേ ആര്‍ക്കൊക്കെ വീഴ്ച പറ്റിയിട്ടുണ്ടെന്ന് അന്വേഷിച്ചുകൊണ്ടിരിക്കുകയാണെന്നും എസ്.പി കൂട്ടിച്ചേര്‍ത്തു.