ട്രിനിഡാഡ്: അന്താരാഷ്ട്ര ടി20 ക്രിക്കറ്റില്‍ പുതിയൊരു റെക്കോര്‍ഡിട്ട് ഡ്വയ്ന്‍ ബ്രാവോ-ഹാഷിം അംല സഖ്യം. അഞ്ചാം വിക്കറ്റിലെ ഏറ്റവുമുയര്‍ന്ന കൂട്ടുകെട്ടാണ് ഇരുവരും ചേര്‍ന്ന് കരീബിയന്‍ പ്രീമിയര്‍ ലീഗില്‍ സ്വന്തമാക്കിയത്. ഇരുവരുടെയും ടീമായ ട്രിന്‍ബാഗോ നൈറ്റ് റൈഡേഴ്‌സ് നാലിന് 20 എന്ന നിലയില്‍ തകര്‍ന്നപ്പോള്‍ ഒത്തു ചേര്‍ന്ന സഖ്യം അഞ്ചാം വിക്കറ്റില്‍ 150 റണ്‍സാണ് കൂട്ടിച്ചേര്‍ത്തത്. അംല 81 റണ്‍സെടുത്തപ്പോള്‍ ബ്രാവോ 66 റണ്‍സോടെ പുറത്താവാതെ നിന്നു.

നേരത്തെ മഹാരാഷ്ട്രയും മുംബൈയും തമ്മിലുള്ള മത്സരത്തില്‍ മഹാരാഷ്ട്രയുടെ വൈ.വി തക്കാവ്‌ലെയും എസ്.വി ബഹുതുലെയും ചേര്‍ന്നെടുത്ത 149 റണ്‍സിന്റെ കൂട്ടുകെട്ടാണ് അംല-ബ്രാവോ സഖ്യത്തിന് മുന്നില്‍ വഴിമാറിയത്. ട്രിന്‍ബാഗോ മത്സരത്തില്‍ 11 റണ്‍സിന് ജയിച്ചു.