കാക്കവയല്‍: കല്ലുപാടി ഗവ. എല്‍.പി സ്‌കൂള്‍ വജ്ര ജൂബിലി ആഘോഷവും 34 വര്‍ഷത്തിന് ശേഷം വിരമിക്കുന്ന പ്രധാനാധ്യാപിക എ.സി ആന്‍സമ്മ ടീച്ചര്‍ക്ക് യാത്രയയപ്പും സംഘടിപ്പിച്ചു. ജില്ലാ പഞ്ചായത്ത് വികസന കാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ കെ മിനി ഉദ്ഘാടനം ചെയ്തു.
മുട്ടില്‍ പഞ്ചായത്തംഗം ബീനാ മാത്യു അധ്യക്ഷയായി. കല്‍പ്പറ്റ ബ്ലോക്ക് പഞ്ചായത്ത് അംഗം എം.ഒ ദേവസ്യ വിരമിക്കുന്ന അധ്യാപികക്ക് ഉപഹാരം നല്‍കി. എല്‍.സി ചെറിയാന്‍ റിപ്പോര്‍ട്ടവതരിപ്പിച്ചു.
മുട്ടില്‍ പഞ്ചായത്ത് അംഗങ്ങളായ എം.സി ബാലകൃഷ്ണന്‍, സി.കെ ബാലകൃഷ്ണന്‍, മുന്‍ പ്രധാനാധ്യാപകന്‍ എന്‍.ടി ജോര്‍ജ്ജ്, കല്ലുപാടി സുബ്രമണ്യ ക്ഷേത്രം പ്രസിഡന്റ് വി.കെ ഗോപി, സ്റ്റാഫ് സെക്രട്ടറി ഐ.വി ഷീജ, പ്രീപ്രൈമറി ടീച്ചര്‍ സ്വപ്ന, സ്‌കൂള്‍ ലീഡര്‍ അഭിന്‍ലാല്‍, കെ.ബി ലക്ഷ്മിപ്രിയ എന്നിവര്‍ സംസാരിച്ചു. ആന്‍സമ്മ ടീച്ചര്‍ മറുപടി പ്രസംഗം നടത്തി. പി.ടി.എ പ്രസിഡന്റ് പി.ഡി.ജോണ്‍ സ്വാഗതവും എസ്.ആര്‍.ജി കണ്‍വീനര്‍ പുഷ്പലത ടീച്ചര്‍ നന്ദിയും പറഞ്ഞു.