കല്‍പ്പറ്റ: നവസ്വകാര്യ ബാങ്കുകള്‍ക്കൊപ്പം പൊതു മേഖലാ ബാങ്കുകളും ബാങ്കിടപാടുകള്‍ക്ക് പ്രഖ്യാപിച്ച അന്യായ നിരക്കു വര്‍ധന ഉപേക്ഷിക്കണമെന്ന് സ്റ്റേറ്റ് ബാങ്ക്‌സ് സ്റ്റാഫ് യൂനിയന്‍ ജില്ലാ കണ്‍വന്‍ഷന്‍ ആവശ്യപ്പെട്ടു.
ബാങ്കുകളുടെ ജനകീയ സ്വഭാവം നഷ്ടപ്പെടുത്താനും സ്വകാര്യ ബാങ്കുകളുടെ പ്രാമുഖ്യം വര്‍ധിപ്പിക്കാനുമാണ് ഇത് ഇടയാക്കുകയെന്നും കണ്‍വന്‍ഷന്‍ വിലയിരുത്തി. ഡപ്യൂട്ടി ജന.സെക്രട്ടറി എ രാഘവന്‍ ഉദ്ഘാടനം ചെയ്തു. അസോസിയേറ്റ് ബാങ്കുകളിലെ ജീവനക്കാര്‍ക്ക് സര്‍വിസ് പാരിറ്റിയടക്കം എസ്.ബി.ഐയിലെ എല്ലാ ആനുകൂല്യങ്ങളും നല്‍കണമെന്നും മുഴുവന്‍ പാര്‍ട്ട് ടൈം ജീവനക്കാരെയും ഫുള്‍ടൈം ആക്കണമെന്നും ആവശ്യപ്പെട്ടു. അസി. ജന.സെക്രട്ടറി ജോസ് ജെ വെള്ളറ അധ്യക്ഷനായി. അജിത് കെ.ടി സംസാരിച്ചു. എന്‍.സി.ബി.ഇ ജില്ലാ സെക്രട്ടറി കെ മുരളീധരന്‍ സ്വാഗതവും പി ദില്‍ഷാദ് നന്ദിയും പറഞ്ഞു.