കോഴിക്കോട്: സംസ്ഥാന കൈത്തറി വസ്ത്ര ഡയറക്‌ടേററ്റ്, ജില്ലാ വ്യവസായ കേന്ദ്രം, കോഴിക്കോട് കൈത്തറി വികസന സമിതി എന്നിവയുടെ സംയുക്താഭിമുഖ്യത്തില്‍ ഇന്ന് മുതല്‍ 13 വരെ കോഴിക്കോട് പാവമണി റോഡിലെ റീജ്യനല്‍ പബ്ലിക് ഹെല്‍ത്ത് ലബോറട്ടറി വളപ്പില്‍ വിഷു കൈത്തറി വസ്ത്ര പ്രദര്‍ശന വിപണന മേള നടത്തുന്നു. ഇന്ന് രാവിലെ 11.30ന് ഡോ. എം.കെ. മുനീര്‍ എം.എല്‍.എ ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് ബാബു പറശ്ശേരി അധ്യക്ഷനാകും. ജില്ലാ കൈത്തറി വികസന സമിതി ചെയര്‍മാന്‍ മനയത്ത് ചന്ദ്രന്‍ ആദ്യവില്‍പന നിര്‍വഹിക്കും. കലാപരമായ കൈത്തറി വസ്ത്രനിര്‍മാണത്തില്‍ സംസ്ഥാന അവാര്‍ഡ് ജേതാക്കളെ ചടങ്ങില്‍ ആദരിക്കും.