ഇരിക്കൂര്‍: ഇരിക്കൂര്‍ പുഴ സംരക്ഷിക്കാനായി രണ്ടാംഘട്ട പ്രവര്‍ത്തനം നടത്താന്‍ എസ്.വൈ.എസ് ഇരിക്കൂര്‍ ഏരിയാകമ്മിറ്റി യോഗം തീരുമാനിച്ചു. ഈമാസം 23ന് പുഴക്കര സന്ദര്‍ശനവും ശുചീകരണ പ്രവര്‍ത്തനങ്ങളും നടത്തും. ജാഗ്രതാസമിതികള്‍ക്കു രൂപം നല്‍കും. മെയ് മാസത്തില്‍ കൈത, മുള, തൈകള്‍ എന്നിവ വച്ചു പിടിപ്പിക്കും. യോഗം കെ.കെ അബ്ദുല്ല ബ്ലാത്തൂര്‍ ഉദ്ഘാടനം ചെയ്തു. എം.പി ജലീല്‍ അധ്യക്ഷനായി. സയിദ് മശ്ഹൂര്‍ ഖലീല്‍ തങ്ങള്‍ പ്രാര്‍ഥന നടത്തി. ടി.സി നിയാസ്, ആദം നിസാമി, കെ.കെ മുഹമദ് മൗലവി, അംജദലി പള്ളിപ്പാത്ത്, അബ്ദുസലാം ഇരിക്കൂര്‍, അഷ്‌റഫ് നിലാമുറ്റം സംസാരിച്ചു.