മാഹി: പള്ളൂരിലെ സി.പി.എം പ്രാദേശിക നേതാവായ കണ്ണിപൊയില്‍ ബാബുവധക്കേസില്‍ മൂന്ന് ആര്‍.എസ്.എസ് പ്രവര്‍ത്തകര്‍ അറസ്റ്റില്‍. പാനൂര്‍ സ്വദേശി അരുണ്‍ ഭാസ്‌കര്‍, പള്ളൂര്‍ സ്വദേശികളായ കരീക്കുന്നുമ്മല്‍ സുനില്‍, ഒ.പി രജീഷ് എന്നിവരാണ് അറസ്റ്റിലായത്. അരുണ്‍ ഭാസ്‌കര്‍ മംഗലാപുരത്ത് നിന്നാണ് പ്രത്യേക അന്വേഷണ സംഘത്തിന്റെ പിടിയിലായത്. ഒ.പി. രജീഷ് ഗൂഢാലോചനയില്‍ പങ്കാളിയാണെന്നും സുനിയും അരുണ്‍ ഭാസ്‌കറും കൊലയാളി സംഘത്തില്‍ ഉണ്ടായിരുന്നവരാണെന്നും പൊലിസ് പറഞ്ഞു. ഇതോടെ കേസില്‍ അറസ്റ്റിലായവര്‍ ഏഴായി.