തൊടുപുഴ: ഓടിക്കൊണ്ടിരിക്കുന്ന കെ.എസ്.ആര്‍.ടി.സി ലോ ഫ്‌ളോര്‍ ബസിന് തീപിടിച്ചു. യാത്രക്കാര്‍ അത്ഭുതകരമായി രക്ഷപ്പെട്ടു. തൊടുപുഴ- പുളിയന്‍മല സംസ്ഥാന പാതയില്‍ ഓടിക്കൊണ്ടിരുന്ന ബസില്‍ രാവിലെ 9.30 ഓടെയാണ് തീപിടിച്ചത്.

വണ്ടിയില്‍ നിന്നും പുക ഉയരുന്നതു കണ്ട ഡ്രൈവര്‍ വണ്ടി നിര്‍ത്തി യാത്രക്കാരോട് എമര്‍ജന്‍സി വാതിലിലൂടെ പുറത്തിറങ്ങാന്‍ ആവശ്യപ്പെടുകയായിരുന്നു. ബസ് പൂര്‍ണമായും കത്തിനശിച്ചു. അഗ്നിശമന യൂണിറ്റിനൊപ്പം നാട്ടുകാരും പണിപ്പെട്ടാണ് തീകെടുത്തിയത്.